Jón Þórarinsson

F. á Melstað í Miðfirði 23. febr. 1854, d. 12. júní 1926. For.: Þórarinn Böðvarsson (f. 3. maí 1825, d. 6. maí 1895) prófastur og alþm. og k. h. Þórunn Jónsdóttir (f. 21. ágúst 1816, d. 13. mars 1894) húsmóðir. Afi Jóhanns Hafsteins alþm. og ráðherra. K. 1. (21. ágúst 1884) Guðrún Jóhanna Lára Pétursdóttir Havstein (f. 9. jan. 1866, d. 5. apríl 1894) húsmóðir. For.: Pétur Havstein alþm. og 3. k. h. Kristjana Gunnarsdóttir. K. 2. (15. okt. 1899) Sigríður Magnúsdóttir Stephensen (f. 30. jan. 1864, d. 23. júlí 1918) húsmóðir. For.: Magnús Ólafsson Stephensen og k. h. Áslaug Eiríksdóttir Stephensen. Börn Jóns og Láru: Soffía (1885), Kristjana (1887), Þórunn (1888), Havstein (1891), Elísabet Anna (1892). Börn Jóns og Sigríðar: Áslaug (1900), Kristín (1902), Ásgeir (1904), Þórarinn (1909).
Stúdentspróf Lsk. 1877. Nám í guðfræði við Hafnarháskóla 1877-1880, en lauk ekki prófi. Ferðaðist um Þýskaland og England 1881-1882 með styrk af opinberu fé til þess að kynna sér alþýðumenntun og skólamál og um Norðurlönd í sama skyni sumurin 1890 og 1896 og veturinn 1907-1908.
Skip. 1882 skólastjóri við gagnfræðaskólann í Flensborg í Hafnarfirði, jafnframt forstöðumaður kennaradeildar skólans frá stofnun hennar 1892-1908. Skip. fræðslumálastjóri 1908 og gegndi því embætti til æviloka.
 Stundakennari við Iðnskólann í Reykjavík 1910-1911 og 1912-1913 og við Kennaraskólann 1916-1917. Stofnaði gosdrykkjaverksmiðjuna Kaldá í Hafnarfirði 1898 og rak hana til 1908. Átti sæti í mþn. um skólamál 1886-1887. Formaður Dýraverndunarfélags Íslands 1915-1925.

Alþm. G.-K. 1886-1900.

Tímarit um uppeldi og menntamál (1888-1892). Skólablaðið (1908-1916). Dýraverndarinn (1915-1926).

Af vef Alþingis - www.althingi.is

Til baka Senda grein Prenta greinina