Pétur Havsteen

F. á Hofsósi 17. febr. 1812, d. 24. júní 1875. For.: Jakob Havsteen (f. 8. mars 1774, d. 2. mars 1829) kaupmaður þar og k. h. Maren Jóhannsdóttir Havsteen, f. Birch (f. 26. febr. 1776, d. 3. ágúst 1843) húsmóðir. Faðir Hannesar Hafsteins alþm. og ráðherra. Tengdafaðir Jóns Þórarinssonar alþm., Jónasar Jónassens alþm. og Lárusar H. Bjarnasonar alþm. K. 1. (14. ágúst 1847) Guðrún Hannesdóttir Havstein, f. Stephensen (f. 25. júlí 1827, d. 19. apríl 1851) húsmóðir. For.: Hannes Stephensen alþm. og k. h. Þórunn Magnúsdóttir Stephensen. K. 2. (4. sept. 1851) Sigríður Ólafsdóttir Havstein, f. Stephensen (f. 24. ágúst 1831, d. 29. mars 1919) húsmóðir. Þau skildu. Hún átti síðar Stefán Thordersen alþm. For.: Ólafur Magnússon Stephensen og k. h. Marta Stefánsdóttir Stephensen. K. 3. (28. júlí 1857) Katrín Kristjana Gunnarsdóttir Havstein (f. 20. sept. 1836, d. 24. febr. 1927) húsmóðir. For.: Gunnar Gunnarsson og k. h. Jóhanna Kristjana Gunnlaugsdóttir Briem. Systir Eggerts Gunnarssonar alþm. og Tryggva Gunnarssonar alþm. Börn Péturs og Guðrúnar: Hannes (1848), Þórunn (1850). Börn Péturs og Kristjönu: Hannes Lárus (1858), Guðrún Jóhanna (1859), Hannes Þórður (1861), Soffía Ágústa (1863), Guðrún Jóhanna Lára (1866), Jóhanna (1867), Marinó Jakob (1867), Elín (1869), Gunnar Magnús (1872).
Stúdentspróf Bessastöðum 1835. Lögfræðipróf Hafnarháskóla 1840.
Vann fjögur ár í rentukammeri. Skip. 1845 sýslumaður í Norður-Múlasýslu, sat á Ketilsstöðum á Völlum, gegndi jafnframt sýslumannsstörfum í Suður-Múlasýslu 1845-1846. Skip. 1850 amtmaður í norður- og austuramtinu, sat á Möðruvöllum í Hörgárdal, lausn 1870. Fluttist þá í Skjaldarvík við Eyjafjörð og dvaldist þar til æviloka.
Skip. 1845 í nefnd um landbúnaðar- og skattamál.

Kgk. alþm. 1853.

Til baka Senda grein Prenta greinina