Pétur Jónsson, Gautlöndum

F. á Gautlöndum 28. ágúst 1858, d. 20. jan. 1922. For.: Jón Sigurðsson (f. 11. maí 1828, d. 26. júní 1889) alþm. og k. h. Solveig Jónsdóttir (f. 16. sept. 1828, d. 17. ágúst 1889) húsmóðir. Bróðir Kristjáns alþm. og ráðherra og Steingríms alþm. Jónssona. Afi Málmfríðar Sigurðardóttur alþm. K. (23. sept. 1881) Þóra Jónsdóttir (f. 17. des. 1860, d. 30. nóv. 1894) húsmóðir. For.: Jón Jónasson og k. h. Kristjana Þorláksdóttir. Börn: Solveig (1885), Kristjana (1887), Hólmfríður (1889), Jón Gauti (1889), Þuríður (1892), Þórleif (1894).
Var um skeið unglingakennari í Mývatnssveit. Bóndi á Gautlöndum 1884- 1919, fluttist þá til Reykjavíkur. Skip. 25. febr. 1920 atvinnumálaráðherra og gegndi því starfi til æviloka.
Lengstum oddviti Skútustaðahrepps. Yfirforingi "Þjóðliðs Íslendinga" frá stofnun þess 1884. Formaður Kaupfélags Þingeyinga 1889-1919, formaður Sambandskaupfélags Þingeyinga 1902-1905 og Sambands íslenskra samvinnufélaga frá 1910 til æviloka. Umboðsmaður Norðursýslujarða 1901-1920. Skip. 1904 í mþn. í landbúnaðarmálum, í mþn. í skattamálum 1907 og 1918 í útflutningsnefnd og yfirfasteignamatsnefnd.

Alþm. S.-Þing. 1894-1922 (Heimastjfl., Sambfl., Bændafl. eldri, Heimastjfl.).
Atvinnumálaráðherra 1920- 1922.
varaforseti Nd. 1901, 2. varaforseti Nd. 1912, 1. varaforseti Nd. 1914- 1915, varaforseti Sþ. 1917.

 Ritstjóri: Tímarit kaupfélaganna (1896-1897).

Til baka Senda grein Prenta greinina